Абавязковае размеркаванне студэнтаў платнай формы навучання не закране навучэнцаў, якія паступілі ў навучальныя ўстановы да ўступлення ў сілу адпаведных паправак у Кодэкс аб адукацыі. Пра гэта паведаміў БЕЛТА міністр адукацыі Андрэй Іванец.
— Змены ў заканадаўчую базу закрануць тых, хто будзе паступаць у нашыя ўніверсітэты альбо каледжы пасля ўступлення ў сілу гэтых нормаў, то-бок тых, хто сёння вучыцца на платным, гэтая навацыя датычыць не будзе. Аднак скарыстацца правам на атрыманне першага працоўнага месца яны могуць. Больш за тое, мы мяркуем, што павінныя забяспечыць адзіны падыход да падрыхтоўкі спецыялістаў як на бюджэтнай, так і на платнай форме атрымання адукацыі, і не толькі ў рамках навучання ва ўніверсітэтах, але і ў праходжанні практыкі — прадстаўленні першага працоўнага месца, — канстатаваў міністр.
Ён адзначыў, што ў адпаведнасці з новай рэдакцыяй Кодэкса аб адукацыі сёлета больш за дзве тысячы выпускнікоў-платнікаў скарысталіся магчымасцю атрымання накіравання на першае працоўнае месца.
— Фактычна накіраванне на першае працоўнае месца мы разглядаем як працяг навучання, толькі пракчнаарыентаванае, калі праз настаўніцтва, праз уваходжанне ў прафесію малады чалавек атрымлівае новыя прафесійныя навыкі і кампетэнцыі. І для таго, каб малады спецыяліст адбыўся, неабходныя не менш за два гады, — падкрэсліў кіраўнік адукацыйнага ведамства.
Чытайце таксама
