Абутак з лёну аказаўся «крокам на апярэджанне» для Лідскай абутковай фабрыкі. Пра гэта расказала дырэктарка прадпрыемства Тамара Ігнатовіч, піша сайт «СБ. Беларусь сегодня».
Паводле яе, на фабрыцы каля 15 гадоў таму першымі на постсавецкай прасторы на свой страх і рызыку выпусцілі абутак з ільняным верхам.
Спецыяльны абутковы лён заказвалі на Аршанскім ільнокамбінаце. Навінка палюбілася не адразу, але з часам стала ясна, што яна папулярная.
Цяпер тут выпускаюць туфлі, кеды, паўчаравікі з лёну, хатнія тэпці, торбы і шоперы. Цэны пачынаюцца ад 25 рублёў. Кеды, напрыклад, каштуюць каля 40 рублёў.
Дадамо, што лён — гэта галоўны летні прадукт: ён універсальны і экалагічны, а таксама добра глядзіцца. Гэты матэрыял перажыў грандыёзнае вяртанне ў свет моды ў 2023 годзе, і некаторыя з самых папулярных дызайнераў і брэндаў свету паказвалі на подыумах менавіта свае ільняныя творы.
Лён больш экалагічны і менш рэсурсаёмісты, чым іншыя віды тэкстылю. Ён таксама мае выдатную паветрапранікальнасць і натуральным чынам рэгулюе тэмпературу (ён будзе захоўваць прахалоду ў спякоту і цяпло ў холад). Лён таксама даўгавечны, просты ў доглядзе і становіцца мякчэйшым з кожнай мыццём. Акрамя таго, ён мае ўнікальную тэкстуру і драпіроўку, што надае яму паўсядзённы, але элегантны выгляд, прыдатны для любога выпадку.